پاکستان کی سینئر اداکارہ بشریٰ انصاری نے دبئی کو برانڈڈ قرار دے دیا۔
سوشل میڈیا پر جاری ویڈیو میں پاکستان کی نامور اداکارہ نے دبئی کے بارے میں اپنے خیالات کا اظہار کرتے ہوئے کہا کہ دبئی کی برانڈڈ دنیا سے الجھن ہوتی ہے۔ وہاں کی سڑکیں بھی برانڈڈ ہیں۔ لوگوں کے پاس بیش قیمت چیزیں ہیں ہر جگہ خوشبوئیں ہیں۔
بشریٰ انصاری کا مزید کہنا تھا کہ دبئی میں شاپنگ مال جائیں تو وہاں برقع پوش خواتین کے مہنگے میک اپ اور آنکھوں کی پلکوں کی شکل میں بھی پیسہ لگا ہوا ہوتا ہے۔ مجھے یہ سب نہیں بھاتا۔ مہنگے ترین پرس اور خوشبوؤں میں پیسے کی جھلک نمایاں ہوتی ہے۔
انہوں نے کہا کہ مجھے اس برانڈڈ دنیا سے الجھن ہوتی ہے تاہم بہت سے لوگ اس طرز زندگی سے خوش ہیں کیونکہ وہاں سڑکیں صاف ستھری اور ہرچیز منظم ہے جو کہ اچھی بات ہے۔