معروف فیشن ڈیزائنر دیپک پروانی بھی کراچی میں بے قابو ہوتے جرائم کا شکار ہوگئے۔
سماجی رابطے کی ویب سائٹ ایکس پر پوسٹ میں پاکستان کے مشہور فیشن ڈیزائنر اور اداکار دپیک پروانی نے انکشاف کیا کہ وہ گزشتہ 3 ماہ کے دوران 3 بار ڈکیتی کا شکار ہوئے جس میں گاڑی، کیش اور موٹرسائیکل اسلحے کے زور پر چھینی گئیں۔
دپیک پروانی کا مزید کہنا تھا کہ یہ صرف مجھ تک محدود نہیں بلکہ میرے عملے کے افراد بھی جرائم کا نشانہ بن رہے ہیں۔ ایک ملازم کے گھر میں اسی ماہ 2 بار چوری ہوئی جبکہ ایک اور ملازم کے بیٹے کو بھتہ نہ دینے پر تشدد کا نشانہ بنایا گیا۔ کراچی میں
جرائم میں خطرناک حد تک اضافہ ہوچکا ہے۔ لوگ مر رہے ہیں اور مہنگائی عروج پر ہے۔
In three months I’ve had a car stolen a motorcycle and cash on gun point . Crime is on the rise in karachi people are dying inflation is through the roof . A workers house has been robbed twice this month . Ones son has been beaten for extortion.#pakistan
— Deepak perwani (@DPerwani) April 27, 2026
دیپک پروانی کے بیان کے بعد سوشل میڈیا صارفین کی بڑی تعداد نے کراچی میں امن امان کی صورتحال کو خطرناک قرار دیتے ہوئے پر تشویش کا اظہار کیا اور حکام سے فوری اقدامات کا مطالبہ کیا۔