اداکارہ اور ٹی وی پروگرامز کی میزبان فضا علی کو مزدوروں کے عالمی دن پر مزدوروں کو خراج تحسین پیش کرنے کے لیے کیا گیا پروگرام بھی مہنگا پڑ گیا۔
فضا علی نے جو یوم مزدور پر اپنے شو میں مختلف شعبوں کے محنت کش افراد کو مدعو کیا۔ پروگرام میں فضا علی خود بھی ہاتھ میں بیلچہ تھامے نظر آئیں اور مزدوروں کے ساتھ ویڈیو ریل ریکارڈ کی جس میں محنت کش طبقے کے کردار کو سراہا۔
تاہم فضا علی کو مزدوروں کے ساتھ پروگرام کرنا بھی بھاری پڑ گیا۔ سوشل میڈیا صارفین کی بڑی تعداد نے فضا علی سخت تنقید کا نشانہ بناتے ہوئے اسے زیادہ سے زیادہ ویوز لینے کا حربہ اور توجہ حاصل کرنے کی کوشش قرار دیا۔
کچھ سوشل میڈیا صارفین کا کہنا تھا کہ مزدوروں کو عام مہمانوں کی طرح پیش کرنے کے بجائے مخصوص انداز میں دکھانے کا مقصد پروگرام کے لیے زیادہ ریٹنگز اور ویوزلینا تھا۔ فضا علی کو اکثر سوشل میڈیا پر صارفین کی تنقید کا سامنا رہتا ہے۔