اٹلی کی وزیراعظم جورجیا میلونی کا کہنا ہے کہ سیاسی مخالفین نے مصنوعی ذہانت ( اے آئی) سے میری جعلی تصاویر بنا کر سوشل میڈیا پر پھیلائیں۔
برطانوی میڈیا کے مطابق اٹلی کی وزیراعظم جورجیا میلونی نے بیان میں کہا کہ اے آئی کے ذریعے بنائی گئی جعلی تصاویرعوام کو آسانی سے دھوکہ دے سکتی ہیں۔ ڈیپ فیک کا بڑھتا رجحان تشویشناک ہے۔ میری متعدد جعلی تصاویراے آئی سے بنائی گئیں اور انہیں سوشل میڈیا پر اس طرح پھیلایا گیا جیسے وہ حقیقی ہوں۔ یہ تصاویر سیاسی مخالفین کی جانب سے پھیلائی جا رہی ہیں۔
اطالوی وزیراعظم نے سماجی رابطے کی ویب سائٹ ایکس پر اپنی جعلی تصویر بھی شیئر کی جس میں انہیں بستر پر نامناسب لباس میں بیٹھا ہوا دکھایا گیا تھا۔ سوشل میڈیا صارفین نے تصویر پر شدید ردِعمل دیتے ہوئے اسے شرمناک قراردیا۔