بھارت کی مودی سرکار نے ہٹ دھرمی کا سلسلہ جاری رکھتے ہوئے ایک بار پھر پاکستان کے ساتھ دو طرفہ مقابلوں سے انکار کردیا ہے۔
بھارتی میڈیا کے مطابق بھارتی وزارتِ کھیل کی جانب سے جاری بیان میں کہا گیا ہے کہ دو طرفہ اسپورٹس مقابلوں کیلئے بھارتی ٹیمیں پاکستان نہیں جائیں گی۔ پاکستانی کھلاڑی اور ٹیمیں بھارت میں منعقد ہونے والے کثیرالملکی مقابلوں میں شرکت کرسکیں گے تاہم دوطرفہ مقابلے بدستورنہیں ہوں گے۔
بھارتی وزارتِ کھیل کا مزید کہنا تھا کہ دو طرفہ اسپورٹس مقابلوں کےلیے نہ بھارتی ٹیمیں پاکستان جائیں گی اور نہ پاکستانی ٹیموں کو بھارت میں کھیلنے کی اجازت ہوگی۔
پاکستان اوربھارت کی کرکٹ ٹیمز نے 2012 کے بعد سے کوئی مکمل سیریز نہیں کھیلی ہے اور دونوں ممالک کی ٹیمیں نیوٹرل وینیوز پر ہی ایک دوسرے کے مدمقابل آتی ہیں۔