امریکا کے صدر ڈونلڈ ٹرمپ نے کہا ہے کہ ایران پر تازہ حملوں کے باوجود جنگ بندی جاری ہے۔
امریکی چینل کو انٹرویو میں امریکی صدرڈونلڈ ٹرمپ کا کہنا تھا کہ ایرانی اہداف پر تازہ حملوں کے باوجود تہران سے جنگ بندی جاری ہے۔ یہ حملے انتقامی نہیں تھے بلکہ ہلکا تھپڑ تھے۔ ایران سے معاہدہ کسی بھی دن ہوسکتا ہے۔
اس قبل امریکا نے ایران کے خمیر،سیریک اورجزیرہ قشم پر فضائی حملے کیے تھے جس کا ایران نے بھرپور جواب دیتے ہوئے امریکی بحری جہازوں کو نشانہ بنایا۔
صدر ٹرمپ نے سوشل میڈیا پر بیان میں کہا تھا کہ 3 امریکی جنگی جہاز ایرانی فائرنگ کے باوجود آبنائے ہرمز سے کامیابی سے نکل آئے ہیں۔