پاکستان بمقابلہ بنگلادیش؛ ڈھاکا ٹیسٹ میں دوسرے دن کا کھیل

پاکستان اور بنگلا دیش کے درمیان ڈھاکا ٹیسٹ میں دوسرے دن کا کھیل جاری ہے۔

میزبان ٹیم بنگلا دیش  نے آج دوسرے دن کھیل کا آغاز 4 وکٹ کے نقصان پر 301 رنزسے کیا۔ کھیل کے پہلے روز پاکستان نے ٹاس جیت کر پہلے بولنگ کرنے کا فیصلہ کیا تھا۔ پہلے دن پاکستان کے بولرز صرف 4 وکٹ لے سکے۔ شاہین آفریدی، محمد عباس، حسن علی اور نعمان علی نے ایک، ایک وکٹ حاصل کی۔

بنگلادیش کی طرف سے محمود الحسن 8،  شادمان اسلام 13، کپتان نجم الحسن شانتو نے 101 اور مومن الحق نے 91 رنز کی اننگز کھیلی۔ پہلے دن کے کھیل کے اختتام پر بنگلا دیش کا اسکور 301 رنزتھا۔آج دوسرے دن کے آغاز پر مشفیق الرحیم نے 48 اور لٹن داس نے 8 رنز کے ساتھ اننگز شروع کی  تاہم لٹن داس 33 رنز بناکر محمد عباس کی گیند پر آؤٹ ہوگئے۔ مہدی حسن 10، تیج الاسلام 17 رنز بناسکے جب کہ مشفیق الرحیم 91 رنز پرآؤٹ ہوئے۔