امریکی ایوانِ نمائندگان نے صدر ڈونلڈ ٹرمپ کی یکطرفہ فوجی کارروائی کے اختیارات محدود کرنے کی قرارداد منظور کرلی۔ صدرٹرمپ کی ریپبلکن پارٹی کے بھی 4 ارکان نے قرارداد کے حق میں ووٹ دیا۔
امریکی میڈیا کے مطابق قرارداد ڈیموکریٹک ارکان نے پیش کی تھی۔ قرارداد کے حق میں 215 ووٹ جبکہ مخالفت میں 208 ڈالے گئے۔ ووٹنگ کے دوران چار ریپبلکن ارکان نے بھی اپنی جماعت کی پالیسی سے ہٹ کر قرارداد کے حق میں ووٹ دیا۔
دوسری جانب امریکی اخبار کی رپورٹ میں دعویٰ کیا گیا ہے کہ صدر ٹرمپ نے مشیروں سے کہا ہے جب تک ایران کی جانب سے امریکی فوجیوں کو نشانہ نہیں بنایاجاتا تب تک دوبارہ جنگ نہیں ہوگی۔