میری بیوی واپس کرو،شوہر کا خصوصی کیک کے ذریعے سسرال سے مطالبہ وائرل
بیوی کو سسرال سے واپس لینے آنے والے شوہر کا دلچسپ کیک سوشل میڈیا پر وائرل ہوگیا۔
سماجی رابطے کے پلیٹ فارم انسٹاگرام پر وائرل ویڈیو میں شوہر کے ہاتھ میں ایک کیک دیکھا جا سکتا ہے جس پر لکھا ہے مجھے میری بیوی واپس کر دو۔ شیئر کی گئی معلومات کے مطابق خاتون 10 روز کے لیے اپنے والدین کے گھر گئی تھیں۔ جب شوہر انہیں واپس لینے پہنچا تو وہ اپنے ساتھ خصوصی کیک بھی لے گیا۔
ویڈیو میں خاتون خوش نظر آتی ہیں جبکہ ان کی والدہ محبت بھرے انداز میں بیٹی کا ہاتھ پکڑ کر داماد کے حوالے کرتی دکھائی دیتی ہیں۔