وفاقی حکومت نے چھوٹے دکان داروں کو ٹیکس نیٹ میں لانے کا فیصلہ کرتے ہوئے فکس ٹیکس عائد کرنے کی تجویز دی ہے۔
وفاقی وزیرخزانہ محمد اورنگزیب نےقومی اسمبلی میں مالی سال 27-2026 بجٹ تقریر میں کہا کہ انکم ٹیکس آرڈیننس 99بی کے تحت چھوٹے دکان داروں کے لیے فکس ٹیکس سسٹم متعارف کرانے کی تجویز ہے اور اس میں وہ دکان دار آسکتے ہیں جن کی سالانہ فروخت 20 کروڑ روپے یا اس سے کم ہے۔
وزیرخزانہ کا مزید کہنا تھا کہ حکومت نے اپنی حکمت عملی تبدیلی کی ہے اور پاکستان بھر کے چھوٹے دکان داروں اور ان کے نمائندوں سے مشاورت اور ان کے مطالبے پر منصوبہ تیار کیا ہے جس میں دکان داروں کے حقیقی خدشات کو مقدم رکھا گیا ہے۔