خیبرپختونخوا کے شہر کوہاٹ میں بارش کے دوران کچے مکان کی چھت گرنے سے بچوں اور خواتین سمیت 11 افراد جاں بحق ہوگئے۔
میڈیا رپورٹس کے مطابق چھت گرنے کا واقعہ کوہاٹ کے نواحی پہاڑی گاؤں مالگین میں پیش آیا جہاں شدید بارش سےکچے مکان کی چھت گرگئی۔ریسکیو حکام کا کہنا ہے کہ حادثے کے وقت مکان میں تقریب جاری تھی۔ ملبے تلے دبے زخمیوں کو نکال کر ابتدائی طبی امداد کےبعد مختلف اسپتالوں میں منتقل کیاگیا۔
زخمیوں میں خواتین اور بچوں کی بڑی تعداد شامل ہے۔ دوسری جانب اٹک میں بھی بارش سے دیوار گرگئی جس کے نتیجے میں 5 افراد زخمی ہوگئے۔ڈیرہ غازی خان کے قبائلی علاقے میں بارش کے بعد برساتی ندیوں میں طغیانی آگئی ۔بارش کے باعث ملتان، ڈی جی خان اور مظفرگڑھ کے متعدد علاقوں میں بجلی معطل ہوگئی۔