پاکستان ٹیلی ویژن کے بچوں کے شہرہ آفاق ڈرامے عینک والا جن کا بغیر اجازت اے آئی ورژن بنانے پر رائٹر حفیظ طاہر نے شدید غصے کا اظہار کیا ہے۔
سوشل میڈیا پوسٹ میں ڈرامہ عینک والا جن کے رائٹر حفیظ طاہر نے تحفظات کا اظہار کرتے ہوئے کہا کہ یہ منصوبہ میری اجازت کے بغیر تیار کیا گیا۔اس صورتِ حال سے شدید دل گرفتہ ہوں کیونکہ میرے تخلیق کردہ تصور کو میری اجازت کے بغیر کا استعمال کیا گیا اور مصنوعی ذہانت کے ذریعے اسے بنا لیا گیا۔ سوچ رہا ہوں آیا اس معاملے پر قانونی کارروائی کرنی چاہیے یا نہیں۔
حفیظ طاہر کے بیان کے بعد سوشل میڈیا صارفین کی جانب سے بھی مختلف ردِعمل سامنے آ رہے ہیں۔ اداکار عمیر رانا نے حفیظ طاہر کو قانونی کارروائی کرنے اور اس معاملے کو ایکٹرز کلیکٹو ٹرسٹ لے جانے کا مشورہ دیا۔