بھارتی فضائیہ کے حاضر سروس ونگ کمانڈر کو حساس دفاعی معلومات افشا کرنے کے الزام میں گرفتار کر لیا گیا۔
بھارتی میڈیا کے مطابق بھارتی فضائیہ کے ونگ کمانڈر کو پولیس نے دہلی میں گرفتار کیا۔ ونگ کمانڈر کو اپنی سوشل میڈیا دوست خاتون کے موبائل فون پر ڈیٹا چوری کا سافٹ ویئر ڈال کر حساس دفاعی معلومات شیئر کرنے کے الزام میں 30 مئی کو گرفتار کیا گیا تھا۔
بھارتی میڈیا کے مطابق ونگ کمانڈر کو گرفتار کرنے کے بعد دہلی کی تہاڑ جیل منتقل کیا گیا۔ عدالتی تحویل میں موجود 44 سال کے ونگ کمانڈر سے تحقیقات جاری ہیں۔ ونگ کمانڈر کا نام جاری نہیں کیا گیا۔