ایران،امریکا کے ایک دوسرے پر تازہ حملے؛ عالمی منڈی میں تیل کی قیمتوں میں اضافہ

امریکا کی جانب سے ایرانی جزیرے پر حملے اور تہران کی جانب سے جوابی کارروائی کے بعد عالمی منڈی میں تیل کی قیمتوں میں اضافہ ہوگیا۔

عالمی میڈیا کے مطابق مشرق وسطیٰ میں ایران اور امریکا کے درمیان دوبارہ کشیدگی بڑھنے کےبعد برینٹ خام تیل کی قیمت 1.08 ڈالر یا 1.23 فیصد اضافے کے بعد 89.18 ڈالر فی بیرل ہوگئی۔

دوسری جانب امریکی ویسٹ ٹیکساس انٹرمیڈیٹ خام تیل کی قیمت 92 سینٹ یا 1.10 فیصد اضافے کے بعد 84.32 ڈالر فی بیرل ہوگئی۔

تجزیہ کاروں کا کہنا ہے کہ صورتحال ایک بار پھر کشیدگی میں اضافے کے مرحلے میں داخل ہوگئی ہے۔یہ صورتحال کتنی دیر برقرار رہے گی۔ اس بارے میں کچھ کہنا مشکل ہے، یہ چند دن بھی ہوسکتے ہیں اور کئی ہفتے بھی۔