پاکستان کرکٹ ٹیم کے اوپنر بیٹر امام الحق کی انجری کے تنازع کے بعد کرکٹر پر 2 سال تک پابندی لگائے جانے کا امکان ہے۔
ایک کرکٹ ویب سائٹ کی رپورٹ کے مطابق پاکستان کرکٹ بورڈ (پی سی بی) کی جانب سے امام الحق کی انجری کے معاملے کی اعلیٰ سطح تحقیقات اور امام الحق پر 2 سال تک پابندی عائد کیے جانے کا امکان ہے۔
ذرائع کے مطابق پی سی بی کو وکٹ کیپر بیٹر محمد رضوان کے نظم و ضبط سے متعلق بھی تحفظات ہیں اور بورڈ مستقبل میں ان کے خلاف بھی سخت ایکشن لے سکتا ہے۔ ذرائع کا کہنا ہے کہ محمد رضوان کو مستقبل میں کسی بھی پاکستانی ٹیم میں شامل کیے جانے کا امکان نہیں۔
لارڈز ٹیسٹ کے پہلے روز فیلڈنگ کے دوران امام الحق کو پنڈلی میں تکلیف کا سامنا کرنا پڑا، جس کے باعث وہ اگلے روز پاکستان کی پہلی اننگز میں بیٹنگ کے لیے دستیاب نہیں تھے۔