مشرق وسطیٰ میں جاری جنگ اور خطے سے تیل کی سپلائی متاثر ہونے کے خدشات کے باعث عالمی مارکیٹ میں خام تیل کی قیمتیں 100 ڈالر فی بیرل کے قریب پہنچ گئی ہیں۔
غیرملکی میڈیا کے مطابق ایشیائی کاروبار میں برینٹ خام تیل کی قیمت 99.38 ڈالر فی بیرل جبکہ امریکی ویسٹ ٹیکساس انٹرمیڈیٹ 94.51 ڈالر فی بیرل تک پہنچ گیا۔
تجزیہ کاروں کے مطابق اگر مشرق وسطیٰ میں لڑائی مزید پھیلتی ہے یا خلیجی خطے سے تیل کی ترسیل متاثر ہوتی ہے تو عالمی مارکیٹ میں خام تیل کی قیمتوں پر مزید دباؤ آسکتا ہے۔