اسرائیلی بحریہ نے ایک بار پھر دہشتگردی کا مظاہرہ کرتے ہوئے غزہ کے لیے امداد لے جانے والے فلوٹیلا کو روک لیا۔
غیرملکی میڈیا کے مطابق امدادی تنظیم کی جانب سے جاری بیان میں کہا گیا ہے کہ اسرائیل کی اسپیڈ بوٹس نے فلوٹیلامیں شامل متعدد کشتیوں کو محاصرے میں لے کر فلوٹیلا میں شامل امدادی کارکنوں کو حراست میں لے لیا۔ حراست میں لیے گئے امدادی کارکنوں سے رابطہ منقطع ہوگیا ہے۔
امدادی تنظیم نے مزید بتایا کہ اسرائیلی فوج نے ڈرونز، کمیونیکیشن جیمنگ ٹیکنالوجی اور مسلح اہلکاروں کے ذریعے بحیرہ روم کے وسط میں فلوٹیلا کو روکا۔ تنظیم نے عالمی حکومتوں سے فوری مداخلت اور امدادی مشن کر تحفظ فراہم کرنے کا مطالبہ کیا۔