دنیا اور بھارت کے امیر ترین خاندانوں میں سے ایک امبانی فیملی کی ایشا امبانی کی سونے اور ہیروں سے بنی ساڑھی نے امریکا کے شہر نیویارک میں منعقد ہونے والے میٹ گالا میں دھوم مچا دی۔
میڈیا رپورٹس کے مطابق بھارت کی مشہور بزنس وومن اوربھارتی ارب پتی تاجر مکیش امبانی کی بیٹی ایشا امبانی نے ہیروں اور سونے سے بنائی گئی ساڑھی پہن کر میٹ گالا میں شرکت کی۔ ایشا امبانی کی قیمتی ساڑھی اور آم کی شکل کا بیگ سب کی توجہ کا مرکز بن گئیں۔
ایشا امبانی کی ساڑھی میں سونے کے تار کا استعمال کیا گیا تھا جبکہ اس میں 1800 ہیرے جڑے ہوئے تھے۔ ایشا امبانی نے آم کی شکل کا جو بیگ اٹھا رکھا تھا اسے بھارتی آرٹسٹ سبودھ گپتا نے 20 سال قبل اسٹیل اور کریشیا سے بنایا تھا۔