16 سال قبل فیفا ورلڈ کپ کے لیے ‘وکا وکا’ گانا گا کر شہرت کی نئی بلندیوں کو چھونے والی گلوکارہ شکیرا کی ورلڈکپ میں واپسی ہوگئی۔
کولمبیا سے تعلق رکھنے والی عالمی شہرت یافتہ گلوکارہ شکیرا نے اپنے سوشل میڈیا اکاؤ نٹس پرفیفا ورلڈ کپ 2026 کے آفیشل گانے ڈائے ڈائے کا ٹیزر شیئر کیا ہے جس کی ویڈیو برازیل کے ماراسانا اسٹیڈیم میں شوٹ کی گئی ہے۔ ویڈیو میں شکیرا فٹبال کھیلنے والے مختلف ممالک کی ٹیمیز کی جرسیاں پہنے ڈانسرز کے ساتھ نظر آئیں۔ ویڈیو کو اب تک انسٹاگرام پر 2 کروڑ 70 لاکھ جب کہ ایکس پر تقریبا 10 لاکھ افراد دیکھ چکے ہیں۔