وزیراعظم شہباز شریف نے کہا ہے کہ چین نے امریکا ایران تنازع میں پاکستان کی ثالثی کوششوں کی حمایت کی ہے۔
اسلام آباد میں پاکستان اور چین کے سفارتی تعلقات کے قیام کی 75 سالگرہ کی تقریب سے خطاب کرتے ہوئے وزیراعظم شہباز شریف نے کہا کہ پاکستان ایران اور امریکا تنازع طے کروانے کے لیے مرکزی کردار ادا کررہا ہے۔ چین ہر مشکل وقت میں پاکستان کے ساتھ چٹان کی طرح کھڑا رہا۔
شہباز شریف کا مزید کہنا تھا کہ چین نے پاکستان کی ثالثی کی کوششوں کی حمایت کی ہے۔ پاکستان اور چین کے درمیان تعلقات کا یہ سفر جاری رہےگا۔ پاکستان کسی خوف اور تردید کے بغیر ون چائنا پالیسی کی حمایت کرتا ہے۔