افریقی ملک نائجر کے صحرائے صحارا میں ٹرک خراب ہونے کے باعث پھنس جانے والے 50 افراد پیاس اورگرمی کی شدت سے ہلاک ہوگئے۔
غیرملکی میڈیا کے مطابق متاثرہ افراد ایک ٹرک کے ذریعے صحرا عبور کر رہے تھے کہ راستے میں ٹرک خراب ہوگیا۔ امداد نہ پہنچنے اور درجہ حرارت انتہائی بلند ہونے کے باعث مسافر کئی دن تک صحرا میں پھنسے رہے جس کے نتیجے میں بیشتر افراد پیاس اور گرمی کی شدت سے ہلاک ہو گئے۔
مقامی حکام کے مطابق ہلاک ہونے والوں میں خواتین اور بچے بھی شامل ہیں جبکہ چند زندہ بچ جانے والوں کو طبی امداد فراہم کی گئی ہے۔