ایران کے وزیرخارجہ عباس عراقچی وفد کے ہمراہ آج اسلام آباد پہنچیں گے۔
ایرانی میڈیا کے مطابق ایران کے وزیرِ خارجہ عباس عراقچی جمعہ کی شام سے اسلام آباد، مسقط اور ماسکو کے دورے کا آغاز کریں گے۔ دورے کا مقصد دوطرفہ مشاورت، ملاقاتیں اور مذاکرات کرنا ہے۔
ایرانی وزیرخارجہ حکام سے خطے کی موجودہ صورتحال، تازہ ترین پیش رفت اورامریکا سے امن مذاکرات کے ممکنہ دوسرے دور سے متعلق تبادلہ خیال کریں گے۔
ایرانی میڈیا کے مطابق امریکا اور ایران کی جنگ اور خطے کی کشیدہ صورتحال کے باعث وزیرخارجہ عراقچی کا دورہ اہم ہے۔
دوسری جانب اقوام متحدہ کے لیے جینیوا میں ایران کے سفیر علی بحرینی کا کہنا ہے کہ اگر امریکا کو مذاکرات جاری رکھنے ہیں تو اسے ایرانی بندرگاہوں پر عائد ناکہ بندی ختم کرنا ہوگی۔