ایران نے امریکا کی جانب سے اپنے بحری جہازوں کو تحویل میں لینے کے بعد جوابی اقدامات کرنے کا اعلان کیا ہے۔
ایران کے اقوام متحدہ میں مستقل مندوب امیر سعید ایروانی نے اقوام متحدہ کے سیکریٹری جنرل انتونیو گوتیرش اور سلامتی کونسل کے نام ایک خط میں کہا ہے کہ ایران کوامریکا کی جارحانہ کارروائیوں کے خلاف اقدامات کرنے کا مکمل حق حاصل ہے۔
ایروانی نے سلامتی کونسل سے مطالبہ کیا کہ امریکا کو فوری طور پر ان غیر قانونی اقدامات سے باز رہنے کا حکم دیا جائے اورضبط کیے گئےتمام بحری جہازوں، سامان اور املاک کو فوری طور پر واپس کیا جائے۔
امریکی اقدامات کا مقصد جنگ بندی کے باوجود ایران پر دباؤ بڑھانا ہے۔ دوسری جانب ایران کی جانب سے آبنائے ہرمز کی بندش نے عالمی توانائی سپلائی اور معیشت کو متاثر کیا ہے۔