ایران کی بحری ناکہ بندی جاری رکھنے کے امریکی اعلان کے بعد عالمی منڈی میں خام تیل کی قیمتیں 4 سال کی بلند ترین سطح پر پہنچ گئیں۔
غیر ملکی میڈیا کے مطابق برطانوی خام تیل کی قیمت میں 8 فیصد اضافہ ہوا جس کے بعد برطانوی خام تیل کی نئی قیمت 121 ڈالر فی بیرل ہوگئی جو 4 سال کی بلند ترین سطح ہے۔
امریکی خام تیل کی قیمت 7 فیصد اضافے کے بعد 108 ڈالر فی بیرل ہوگئی۔ ماہرین نے خدشہ ظاہر کیا ہے کہ اگر امریکا اور ایران کی کشیدگی مزید جاری رہی تو خام تیل کی قیمتوں میں مزید اضافہ ہوسکتا ہے جس سے مہنگائی کی نئی لہر جنم لے گی۔