وزارت خزانہ کا کہنا ہے کہ اپریل کے مہینے میں مہنگائی بڑھنے کی شرح 8 سے 9 فیصد کے درمیان رہنے کا امکان ہے۔
وزارت خزانہ کی جانب سے جاری اقتصادی آؤٹ لک رپورٹ میں بتایا گیا ہے کہ مارچ کے مقابلے میں اپریل میں مہنگائی میں اضافے کی شرح 8 سے 9 فیصد تک رہنے کا تخمینہ ہے۔
رپورٹ کے مطابق مارچ میں مہنگائی کی شرح 7.3اور فروری میں 7 فیصد تھی۔ مشرق وسطیٰ میں جنگ کے باعث عالمی سطح پر چیزوں کی قیمتوں میں اضافہ ہو رہا ہے اور خوراک کی سپلائی چین بھی متاثر ہو رہی ہے۔