پاکستان نے امریکا کی جانب سے قبضے میں لیے گئے ایرانی جہاز اور عملے کو حوالے کرنے کا خیرمقدم کیا ہے۔
دفترخارجہ کی جانب سے سماجی رابطے کی ویب سائٹ ایکس پر جاری کیے گئے بیان میں کہا گیا ہے کہ امریکا کی جانب سے ضبط شدہ ایرانی کنٹینر جہاز ایم وی ٹوسکا کے عملے کے 22 ارکان کو گزشتہ رات پاکستان منتقل کیا گیا جنہیں آج ایرانی حکام کے حوالے کیا جائے گا۔
پاکستان کے دفتر خارجہ نے کہا ہے کہ امریکہ نے پچھلے مہینے قبضے میں لیے گئے ایران کے بحری جہاز اور اس کے عملے کو اسلام آباد کے حوالے کر دیا ہے جن کو آج ایرانی حکام کے حوالے کیا جائے گا۔
🔊PR No.1️⃣1️⃣4️⃣/2️⃣0️⃣2️⃣6️⃣
— Ministry of Foreign Affairs – Pakistan (@ForeignOfficePk) May 4, 2026
Pakistan Facilitates Transfer of Iranian Crew Members
🔗⬇️ pic.twitter.com/hhe0eNVh1K
بیان کے مطابق ایرانی جہاز کو ضروری مرمت کے لیے مالکان کو لوٹانے کے لیے پاکستان لایا جائے گا۔دفتر خارجہ کا یہ بھی کہنا تھا کہ واپسی کے اس عمل کو دونوں اطراف کے تعاون سے ہم آہنگ کیا جا رہا ہے۔
دفترخارجہ کا مزید کہنا تھا کہ پاکستان اعتماد سازی کے اقدامات کا خیرمقدم کرتا ہے اور خطے میں امن و سلامتی کے لیے کوششیں اور سفارت کاری کرتا رہے گا۔