کراچی میں شدید گرمی کی لہر جاری ہے۔
محکمہ موسمیات کے مطابق شہر قائد میں موسم شدید گرم اور خشک ہے۔ دوپہر ایک بجے درجہ حرارت 40 ڈگری ریکارڈ کیا گیا جبکہ پارہ 42 ڈگری تک جانے کا امکان ہے۔ رات میں کم سے کم درجہ حرارت 29 ڈگری سینٹی گریڈ رہا۔
محکمہ موسمیات کا کہنا ہے کہ شہر میں شمال مغرب کی جانب سے 8 کلومیٹر فی گھنٹا کی رفتار سے گرم اور خشک ہوا چل رہی ہے اور نمی کا تناسب 27 فیصد ہے۔
دوسری جانب ملک کے بیشتر علاقوں میں بھی موسم گرم اور خشک جبکہ جنوبی علاقوں شدید گرم رہنے کی توقع ہے۔ پنجاب کے بعض علاقوں، بالائی خیبر پختونخوا، گلگت بلتستان اور کشمیر میں کہیں کہیں بارش کا امکان ہے۔