سعودی عرب کی سیکورٹی فورسز نے غیرقانونی عازمین حج کے خلاف کریک ڈاؤن میں 18 پاکستانی اور افغان شہریوں کو گرفتار کرلیا۔
سعودی میڈیا کے مطابق سیکیورٹی فورسز نے غیر قانونی عازمین حج کے خلاف کریک ڈاؤن شروع کر دیا ہے۔ کریک ڈاؤن کا مقصد حج امور کو انتظامات کے مطابق محفوظ اور رواں رکھنے لیے ان عازمین کو روکنا ہے جو بغیر اجازت یا غیر قانونی طور پر مکہ پہنچے ہیں یا اس کوشش میں ہیں۔
سعودی خبر رساں ادارے کے مطابق مکہ پولیس نے کارروائیاں کرتے ہوئے 18 افغانی اور پاکستانی شہریوں کو حراست میں لیا۔ زیر حراست افراد سے نسک کارڈز اور حاجیوں کی کلائی پر باندھے جانے والے ‘رسٹ بینڈز’ بھی قبضے میں لیے گئے ہیں۔