چین کے وزیر خارجہ یانگ وائی نے پاکستان سے مطالبہ کیا ہے کہ وہ امریکہ اور ایران کے درمیان ثالثی کی کوششوں کو مزید تیز کرے تاکہ آبنائے ہرمز کو دوبارہ کھولا جا سکے اور خطے میں کشیدگی کم ہو۔ یہ بات چینی خبر رساں ادارے ژنہوا نے رپورٹ کی.
چینی وزیر خارجہ نے یہ بات اپنے پاکستانی ہم منصب اسحاق ڈار سے ٹیلیفونک گفتگو کے دوران کہی۔ اس موقع پر اسحاق ڈار نے امریکہ اور ایران کے درمیان پاکستان کی حالیہ سفارتی ثالثی کی کوششوں سے آگاہ کیا اور چین کی حمایت پر شکریہ ادا کیا۔ انہوں نے امید ظاہر کی کہ دونوں ممالک کے درمیان رابطہ اور تعاون مزید مضبوط ہوگا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with Foreign Minister of the People’s Republic of China, Wang Yi.
— Ministry of Foreign Affairs – Pakistan (@ForeignOfficePk) May 12, 2026
The two leaders exchanged in-depth views on recent regional developments and Pakistan’s ongoing efforts to facilitate… pic.twitter.com/MUXVisOIY2
پاکستانی وزارت خارجہ کے ایکس اکاونٹ کے مطابق، وانگ ای نے امریکہ اور ایران کے درمیان مذاکرات میں سہولت کاری پر پاکستان کو سراہا اور عارضی جنگ بندی میں توسیع میں اسلام آباد کے کردار کی تعریف کی۔ چینی وزیر خارجہ نے امید ظاہر کی کہ پاکستان اعتماد کے ساتھ اپنی کوششیں جاری رکھے گا اور خطے میں امن کی بحالی میں اہم کردار ادا کرے گا۔
وانگ ای نے مزید کہا کہ چین پاکستان کی ثالثی کی کوششوں کی مکمل حمایت جاری رکھے گا اور خود بھی خطے میں امن کے لیے اپنا کردار ادا کرے گا۔ دونوں رہنماؤں نے اس بات پر بھی زور دیا کہ آبنائے ہرمز میں جہاز رانی معمول کے مطابق بحال رہنی چاہیے اور مستقل جنگ بندی ضروری ہے۔