بھارت میں مودی سرکار کے ہر ظلم کا دفاع کرنے والی گودی میڈیا کی اینکر انجنا اوم کشیپ کو اساتذہ کے بارے میں کی گئی ہرزہ سرائی مہنگی پڑ گئی۔
نیوز اینکر انجنا کشیپ نے اپنی ٹی وی پروگرام میں یو ٹیوب اور آن لائن اساتذہ کے بارے میں توہین آمیز ریمارکس دیتے ہوئے ان اساتذہ کو دو کوڑی کے اور فراڈ قرار دیتے ہوئے کہا کہ یہ لوگ محض ویوز کے لیے سنسنی خیز ویڈیوز بناتے ہیں اور انہیں تعلیم کے شعبے کی کوئی سمجھ نہیں۔
متنازع اینکر کے ریمارکس کے بعد سوشل میڈیا پر طلبا، اساتذہ سمیت مختلف شعبوں کی نمایاں شخصیات نے انجنا کشیپ کو شدید تنقید کا نشانہ بنایا اور ان سے معافی مانگنے کا مطالبہ کیا۔