امریکی صدر ڈونلڈ ٹرمپ نے دعویٰ کیا ہے کہ امریکا ایران کے زیرِ زمین محفوظ افزودہ یورینیم کے ذخائر کوفوری طورپر حاصل کرنے کی صلاحیت رکھتا ہے تاہم فی الحال ایسا کرنے کی ضرورت نہیں۔
میڈیا سے گفتگو کرتے ہوئے صدر ٹرمپ کا کہنا تھا کہ میں نے اسرائیلی وزیراعظم بنیامین نیتن یاہو اور حزب اللہ کے نمائندوں سے لبنان کی صورتحال پر بات چیت کی ہے اور اس سلسلے میں کچھ پیش رفت ہوئی ہے۔ ایران کی یورینیم سے متعلق سوال پر امریکی صدر نے کہا کہ فوری طور پر ایران کی افزودہ یورینم ذخائر تک پہنچ سکتے ہیں تاہم اس کی ابھی ضرورت محسوس نہیں ہورہی۔
دوسری جانب حزب اللہ نے لبنان اور اسرائیل کے درمیان امریکا کی ثالثی میں ہونے والی جنگ بندی کو مسترد کرتے ہوئے معاہدے کو شرمناک قرار دیا۔ حزب اللہ نے خبردار کیا کہ جب تک اسرائیل لبنان پر حملے جاری رکھے گا شمالی اسرائیل حزب اللہ کے حملوں کی زد میں رہے گا۔