گلوکار فلک شبیر نے عوامی مقامات پر مختصر کپڑے پہننے کے حوالے سے وزیراعلیٰ پنجاب مریم نواز سے درخواست کردی۔
انسٹاگرام پر اپنی پوسٹ میں گلوکار فلک شبیر کا کہنا تھا کہ 2 بیٹیوں کا باپ ہونے کی حیثیت سے میں وزیراعلیٰ پنجاب مریم نواز سے درخواست کرتا ہوں کہ عوامی مقامات، بازار اور سڑکوں پر چھوٹے کپڑے پہننے والوں کے لیے بھی کوئی قانون بنایا جائے۔ ایسا نہ کیا گیا تو ہم ثقافتی طور پر تباہ ہوجائیں گے۔
فلک شبیر نے ویپنگ پر پابندی عائد کرنے کے حکومت پنجاب کے فیصلے کی تعریف بھی کی۔ فلک شبیر کی پوسٹ وائرل ہونے کے بعد کچھ سوشل میڈیا صارفین نے ان کی تعریف کی جبکہ متعدد صارفین انہیں تنقید کا نشانہ بنا رہے ہیں اور ان کی سوچ کو محدود قرار دے رہے ہیں۔