کراچی کے علاقے لیاری کے محلے علی محمد کی گلیاں سج گئیں ہیں ۔ فٹ بال ورلڈ کپ 2026 کے قریب آتے ہی لیاری کی گلیاں ایک بار پھر رنگوں سے سج گئی ہیں۔
دیواروں پر پسندیدہ ٹیموں کے جھنڈے اور تصاویر بنائی جا رہی ہیں ۔ لیاری کے نوجوان اور بچے اپنی پسندیدہ ٹیموں کی حمایت کے لیے پرجوش ہیں
رنگ برنگی دیواریں، مختلف ممالک کے جھنڈے، اور ہر گلی میں فٹ بال کی باتیں۔ لیاری کے باسی ورلڈ کپ 2026 کا استقبال اپنے منفرد انداز میں کر رہے ہیں۔ یہاں فٹ بال صرف میچ دیکھنے تک محدود نہیں بلکہ یہ مقامی ثقافت اور شناخت کا حصہ بن چکا ہے۔یاد رہے کہ فیفا ورلڈ کپ 2026 کا آغازکل 11 جون کو ہوگا جبکہ فائنل میچ 19 جولائی کو کھیلا جائے گا۔ یہ میگا ایونٹ امریکہ، کینیڈا اور میکسیکو مشترکہ طور پر منعقد کریں گے۔
اس فٹبال سیزن نے لیاری کی گلیوں کو ایک بار پھررنگین کردیا ہے۔ جہاں ہر بچہ ایک کھلاڑی۔ کہیں برازیل کا جھنڈا ہے تو کوئی ارجنٹیا کا شیدائی ۔ لیاری کی یہ رنگین گلیاں اس بات کا ثبوت ہیں کہ فٹ بال کی محبت سرحدوں کی محتاج نہیں۔ ورلڈ کپ 2026 ابھی شروع نہیں ہوا، مگر لیاری میں اس کا جوش پہلے ہی عروج پر ہے۔ فٹ بال کے دیوانوں کا یہ علاقہ ایک بار پھر دنیا کو بتا رہا ہے کہ پاکستان میں فٹ بال کا دل کہیں دھڑکتا ہے تو وہ لیاری ہے۔