امریکا اور ایران میں امن معاہدے کے بعد ایشیائی مارکیٹس میں تیل کی قیمتوں میں کمی دیکھنے میں آئی ہے۔
غیرملکی میڈیا کے مطابق برینٹ کروڈ کی قیمت میں 3.8 فیصد کمی ریکارڈ کی گئی اور قیمت 84.02 ڈالر فی بیرل تک آ گئی ہے۔امریکی منڈی میں فروخت ہونے والا تیل 4.1 فیصد کمی کے ساتھ 81.40 ڈالر فی بیرل تک گِر گیا۔
امریکی صدر ڈونلڈ ٹرمپ نے امن معاہدے کے حوالے سے بیان میں کہا ہے کہ تیل کی آزادانہ نقل و حمل جاری رہے گی۔ 28 فروری کو امریکا اور اسرائیل کی جانب سے ایران پر فضائی حملوں کے بعد آبنائے ہرمز بند ہو گئی تھی جس کے بعد تیل کی قیمتوں میں اضافہ دیکھنے میں آیا تھا۔