گلوکار ابرار الحق نے کا کہنا ہے کہ بالی ووڈ نے میرا مشہور گانا نچ پنجابن جعلی دستاویزات سے چوری کیا۔
ایک پوڈ کاسٹ میں گفتگو کرتے ہوئے معروف گلوکار ابرار الحق نے کہا کہ میں نے اپنا گانا نچ پنجابن کبھی فروخت نہیں کیا تھا۔ بالی ووڈ نے جعلی دستاویزات اور جعلی دستخط سے گانے کے حقوق حاصل کیے۔
ابرار الحق کا مزید کہنا تھا کہ جب میں نے بالی ووڈ کی جانب سے گانے کے استعمال پر اعتراض کیا تو مجھے جواب دیا گیا کہ گانے کے حقوق گلوکار ہارون کے ذریعے حاصل کیے گئے ہیں۔نچ پنجابن میرا گانا ہے اور میری ملکیت ہے میں نے یہ گانا ہارون کو نہیں دیا، اس کے باوجود وہ بار بار ہارون کا حوالہ دیتے رہے۔ بعد میں معلوم ہوا کہ جعلی دستاویزات تیار کی گئیں اور میرے دستخط بھی جعل سازی کے ذریعے استعمال کیے گئے۔