متحدہ عرب امارات نے ایران جنگ سے متاثرہ مسافروں کیلئے 30 روز ویزا رعایت کا اعلان کردیا
عرب میڈٰیا کے مطابق حکام نے اماراتی ویزا کی مدت ختم ہونے کے باوجود عرب امارات میں قیام کے جرمانے معاف کرنے اور ایران جنگ سے متاثرہ مسافروں کے لیے 30 روزکے لیے ویزا رعایت کا اعلان کیا ہے۔
اماراتی حکام کے مطابق متاثرہ افراد 9 جولائی تک بغیر جرمانے ویزا اسٹیٹس درست کراواسکتے ہیں۔ یہ سہولت جنگی حالات کے باعث امارات میں پھنسے افراد کے لیے ہے۔ سیاحتی وزٹ ویزا رکھنے والے افراد بھی اس سے مستفید ہوں گے۔ حکام کے مطابق استثنا کا اطلاق 10 جون سے 9 جولائی تک ہوگا۔ ویزا کے لیے خصوصی رعایت انسانی ہمدردی کی بنیاد پر دی گئی ہے۔