بھارت کے مشہور گلوکار سونو نگم اعصابی بیماری میں مبتلا ہوگئے۔
گلوکار سونو نگم نے اپنے سوشل میڈیا اکاؤنٹ پر ویڈیو شیئر کی جس میں انہوں نے اعصابی بیماری سے متعلق بتایا۔ سونو نگم کا کہنا تھا کہ میں اعصابی تناؤ میں مبتلا ہوں۔متعدد ٹیسٹ بھی کروائے ہیں۔ علاج کے دوران شدید تکلیف ہے۔ تکلیف کے خاتمے کے لیے پین کلرز لے رہا ہوں اور فزیو تھراپی کے سیشنز بھی کروا رہا ہوں۔
سونو نگم کا مزید کہنا تھا کہ تکلیف اور پین کلرز کھانے کی وجہ سے گلا تھوڑا بھاری ہوگیا ہے۔ سونو نگم جس بیماری میں مبتلا ہیں اسے پنجڈ اعصاب کہا جاتا ہے۔ یہ بیماری اس وقت ہوتی ہے جب اعصاب پرہڈیوں ،مسلز ، کارٹلیج یا لیگا منٹس کے ذریعے ضرورت سے زیادہ دباؤ پڑ جائے۔