امریکا اور ایران کے درمیان ہونے والے مذاکرات میں مثبت پیش رفت کے بعد عالمی منڈی میں تیل کی قیمتوں میں کمی آگئی۔
غیرملکی میڈیا کے مطابق برینٹ خام تیل کی فی بیرل قیمت میں ایک ڈالر سے زائد کی کمی ہوئی ہے۔برینٹ خام تیل کی فی بیرل قیمت 79.44 ڈالر ہوگئی ہے۔ اس سے قبل ایران امریکا مذاکرات کے حوالے سے قیاس آرائیوں پر عالمی منڈی میں تیل کی قیمتوں میں اضافہ ہوا تھا اور برینٹ خام تیل کی قیمت 81 ڈالرز 27 سینٹ فی بیرل ہو گئی تھی۔