پاکستان کی تیار کردہ فٹبال فیفا ورلڈکپ کے میدانوں کے ساتھ ساتھ خلا میں بھی پہنچ گئی۔
امریکی خلائی تحقیقاتی ادارے (ناسا) نے خلابازوں کی فٹبال کے ساتھ ویڈیو اپنے آفیشل سوشل میڈیا پر جاری کردی۔ خلا بازوں نےبین الاقوامی خلائی اسٹیشن (آئی ایس ایس) پر فیفا ورلڈکپ کی جدید فٹبال کے ساتھ سائنسی تجربہ کیا۔ یہ تجربہ خلائی اسٹیشن کے اندر موجود خاص ماڈٰیول کپولا میں کیا گیا۔ ویڈیو میں فٹ بال کو وزن کے بغیر ماحول میں تیرتے ہوئے دیکھا گیا۔
خلابازوں نے اس بات کا مشاہدہ کیا کہ مائیکرو گریوٹی میں فٹ بال کا برتاؤ کیسا ہوتا ہے۔ اس تجربے کا مقصد یہ سمجھنا تھا کہ فٹبال کا بیلنس اور وزن کھیل کے دوران اس کی حرکت کو کیسے متاثر کرتا ہے۔
The official FIFA World Cup ball went to space!
— NASA (@NASA) June 20, 2026
We're working to inspire the next generation by showing how space exploration inspires innovation in sports science — and everyday life. Learn more: https://t.co/CWbI8MFDtp pic.twitter.com/ebJtkpD5uM
ناسا کی جانب سے جاری بیان میں کہا گیا ہے کہ اس سے قبل ایسا تجربہ 2019 میں بھی کیا جا چکا ہے۔ تجربے سے یہ ظاہر ہوا ہے کہ توازن میں فرق کس طرح فٹبال کی حرکت کو بدل سکتا ہے۔