ارجنٹائن فٹبال ٹیم کے کپتان اور شہرہ آفاق فٹبالر لیونل میسی ورلڈ کپ کی تاریخ میں سب زیادہ اسکور کرنے والے کھلاڑی بن گئے۔
غیرملکی میڈیا کے مطابق لیونل میسی نے فیفا ورلڈ کپ میں آسٹریا کے خلاف میچ میں 2 گول اسکور کرکے ایک اور تاریخی سنگ میل عبور کر لیا۔ ارجنٹائن کی 0-2 سے کامیابی میں دونوں گول میسی نے کیے۔ وہ ورلڈ کپ کی تاریخ کے سب سے زیادہ گول کرنے والے کھلاڑی بن گئے۔
🚨 WATCH: Lionel Messi scores and becomes the highest goalscorer in FIFA World Cup history. 🔥 🐐
— World Cup 2026 (@WorldCupMedia_) June 22, 2026
A historic moment for Argentina. 🇦🇷 pic.twitter.com/Z2DiVZonuJ
میچ کے آغاز میں میسی نے پینالٹی ضائع کر دی تھی لیکن بعد میں شاندار واپسی کرتے ہوئے ایک خوبصورت گول اسکور کیا اور پھر اضافی وقت میں دوسرا گول کرکے اپنا مجموعی ورلڈ کپ اسکور 18 تک پہنچا دیا۔میسی نے جرمنی کے سابق اسٹرائیکر میروسلاو کلوزے کا ریکارڈ توڑ دیا۔
میسی اب تک ورلڈکپ کے 28 میچز میں 18 گول کر چکے ہیں جبکہ رواں ٹورنامنٹ میں ارجنٹائن کے تمام پانچ گول انہی کے نام ہیں۔ وہ مسلسل چھ ورلڈ کپ میچوں میں گول کرنے والے دنیا کے صرف تیسرے فٹبالر بن گئے ہیں۔ماہرین اور سابق کھلاڑیوں کا کہنا ہے کہ میسی کی فٹبال ذہانت، فٹنس اور کھیل پر گرفت آج بھی غیرمعمولی ہے۔