وینزویلا میں زلزلے سے اموات کی تعداد 900 سے زیادہ ہوگئی، متعدد افراد کو ملبے سے نکال لیا گیا

وینزویلا میں بدھ کے روز آنے والے زلزلوں کے نتیجے میں اب تک 900 سے زیادہ افراد ہلاک اور 3ہزار سے زیادہ زخمی ہو گئے ۔ دوسری جانب ملبے تلے دب جانے  والوں کی تلاش جاری ہے۔

داراحکومت کراکس سمیت ملک کے شمال میں زلزلے سے درجنوں عمارتیں تباہ ہو گئی ہیں۔ کئی گھنٹے بعد ملبے تلے دبے کتے کو بھی زندہ نکال لیا گیا۔ حکام کے مطابق  سینکڑوں بین الاقوامی امدادی کارکن وینزویلا پہنچ چکے ہیں جبکہ مزید کی آمد متوقع ہے۔ امریکی جیولوجیکل سروے (یو ایس جی ایس) کے مطابق بدھ کے روز آنے والے پہلے زلزلے کی شدت 7.2 تھی اور اس کے چند ہی سیکنڈ بعد اس سے بھی زیادہ طاقتور 7.5 شدت کا دوسرا زلزلہ آیا۔

Edificio Oasis, Playa grande
La Guaira, Venezuela
Totalmente colapsado !
Tremendo como se oyen los gritos!! pic.twitter.com/pY8pSy2SPr

— Alerta Mundial (@TuiteroSismico) June 25, 2026

پہلا زلزلہ زمین کی سطح سے 20.3 کلومیٹر نیچے جبکہ دوسرا 10 کلومیٹر کی گہرائی میں آیا تھا۔ یہ پچھلی ایک صدی میں ملک میں آنے والے طاقتور ترین زلزلوں میں سے ایک تھا۔