امریکی ویب سائٹ نے اپنی رپورٹ میں دعویٰ کیا ہے کہ صدرڈونلڈ ٹرمپ ایران کی جوہری تنصیبات کو نشانہ بنانے پر غور کررہے ہیں۔
نیوز ویب سائٹ “اکسیوس” کے مطابق ٹرمپ انتظامیہ ایران کے خلاف فوجی حملوں کا دائرہ کار وسیع کرنے پر غور کر رہی ہےجس میں ایران میں دوبارہ جوہری تنصیبات کو نشانہ بنانے کا امکان بھی شامل ہے۔ یہ غوراسرائیل کو درجنوں فضا میں ایندھن بھرنے والے طیارے بھیجے جانے کے ساتھ ہی کیا جارہا ہے۔
امریکی حکام نے مزید کہا کہ زیر غور اختیارات میں سے ایک ایران کی جوہری تنصیبات پر نئے حملے کرنا ہے تاکہ وہاں موجود یورینیم کے ذخائر کو مزید گہرائی میں دفن کیا جا سکے۔ اس کا مقصد مستقبل میں ان تک پہنچنے یا انہیں استعمال کرنے کے امکانات کو کم کرنا ہے۔
ویب سائٹ نے تین امریکی اور اسرائیلی حکام کے حوالے سے بتایا ہے کہ واشنگٹن نے اسرائیل کو مزید ایندھن بھرنے والے طیارے بھیجنے کے فیصلے سے آگاہ کر دیا ہے۔ یہ ایک ایسا قدم ہے جس کا مقصد ایران کے خلاف مہم کو وسعت دینے کا فیصلہ ہونے کی صورت میں کسی بھی ممکنہ فوجی کارروائی کی مدد کرنا ہے۔
رپورٹ میں اشارہ کیا گیا ہے کہ امریکی انتظامیہ ایران کے اندر اہداف کے بینک کو وسعت دینے پر بھی غور کر رہی ہے تاہم ان اضافی مقامات کی نوعیت یا کسی حتمی فیصلے کے وقت کا انکشاف نہیں کیا گیا جنہیں نشانہ بنایا جا سکتا ہے۔