پاکستان ویمن انڈر19 ٹیم نے جنوبی افریقا کو سنسنی خیز مقابلے میں6 وکٹوں سے شکست دے کر ویمن انڈر 19 ٹی ٹوئنٹی سیریز 2-2 سے برابر کردی۔ سیریز کا پانچواں اور آخری میچ جمعہ کو کھیلا جائے گا۔
کراچی کے نیشنل بینک اسٹیڈیم پر کھیلی جانے والی سیریز کے چوتھے میچ میں بدھ کو پاکستان نے 110 رنز کا ہدف4 وکٹیں کھو کر 19.2اوورز میں حاصل کر لیا۔
ہدف کے تعاقب میں پاکستان کی جانب سے پاکستانی اوپنرز نے 34 رنز کا اچھا آغاز فراہم کیا،رویل خان 3 چوکوں کی مدد سے 18 رنز بنا کر آؤٹ ہوئیں،3 رنز بعد کومل خان 28 رنز جوڑ کر چلتی بنیں،اقصیٰ حبیب 2رنز کی مہمان رہیں جبکہ عریشہ انصاری کوئی رن بنائے بغیر آؤٹ ہوئیں۔ جنوبی افریقا کی ریسپیکٹ مباسہ نے 25 رنز دے کر 3 کھلاڑیوں کو آؤٹ کیا جبکہ کپتان میکی وان نے 10 رنز دے کر ایک وکٹ اپنے نام کی۔سیریز کا فیصلہ کن پانچواں اور آخری میچ جمعہ کی شب کھیلا جائے گا۔