پاکستان کرکٹ ٹیم کے سابق کپتان شاہد آفریدی کو مداح کو دھکا دینے پر شدید تنقید کا سامنا ہے۔
سوشل میڈیا پر وائرل ویڈیو میں دیکھا جا سکتا ہے شاہد آفریدی لوگوں کے ہجوم اور سیکورٹی میں گھرے میدان سے باہر آ رہے ہیں۔ اس دوران انہو ں نے راستے میں آنے والے نوجوان مداح کو دھکا دے پر پیچھے ہٹا دیا اور چلے گئے۔
شاہد آفریدی کی مداح کو دھکا دینے کی ویڈیو سوشل میڈیا پر وائرل ہوگئی۔ متعدد صارفین نے شاہد آفریدی کے رویے کو تنقید کا نشانہ بناتے ہوئے کہا ہے کہ انہیں مداح کے ساتھ نرم رویہ اختیار کرنا چاہیے تھا۔ کچھ لوگوں نے شاہد آفریدی سے مداح سے معذرت کرنے کا مطالبہ بھی کیا۔ چند سوشل میڈیا صارفین کا کہنا تھا کہ ایک منظر دیکھ کر اندازے لگانا درست نہیں۔