کراچی گڈز کیرئیر ایسوسی ایشن نے ٹرانسپورٹرز کی ہڑتال کی حمایت کا اعلان کردیا۔
گڈز کیرئیر ایسوسی ایشن کی جانب سے جاری بیان میں کہا گیا ہے کہ گڈز ٹرانسپورٹرز کی ہڑتال میں شامل ہوکر پہیہ جام کریں گے۔پیٹرولیم مصنوعات کی قیمتوں کے یومیہ تعین کے خلاف ہڑتال کی گئی ہے۔
ہڑتال کے باعث ملک بھر میں اجناس ادویات اشیائے ضروریہ کی ترسیل متاثر ہونے کا خدشہ ہے۔ کاروباری لاگت میں اضافے کے سبب پہلے ہی چند بڑے ٹرانسپورٹرز گاڑیاں آف روڈ کر چکے ہیں۔ گڈز ٹرانسپورٹرز کی ملک گیر ہڑتال سے پیداواری صنعتوں میں بھی سرگرمی متاثر ہونے کا امکان ہے۔