کراچی میں قتل ہونے تاجر میررضا کے کیس میں میررضا کو لوکیشن پرچھوڑنے والے آن لائن ٹیکسی ڈرائیور کا اہم بیان سامنے آگیا۔
میڈیا رپورٹس کے مطابق میر رضا علی کو لوکیشن پر چھوڑنے والے آن لائن ٹیکسی ڈرائیور احسان اللہ نے رائیڈ سے متعلق اہم تفصیلات بتا دیں۔آن لائن ٹیکسی ڈرائیور احسان اللہ نے بیان میں بتایا کہ میر رضا نے 3 بج کر 57 منٹ پر رائیڈ بک کی۔ 4 بج کر 7 منٹ پر اس کو کال کی کہ آپ کی لوکیشن پر ہوں۔ 4 بج کر 9 منٹ پر رائیڈ شروع کی۔ ہم خالد بن ولید روڈ سے طارق روڈ اور وہاں سے بہادر آباد گئے۔
احسان اللہ کے مطابق بہادر آباد سے اسٹیڈیم، ملینیم مال سے پرفیوم چوک جوہر موڑ وہاں سے موسمیات کی طرف گئے، میر رضا نے کہا لوکیشن چھوڑ دو میں راستہ بتاتا ہوں پھر اس نے جیسا بتایا اس راستے پر چلتے گئے۔ میر رضا نے گاڑی میں گانے بھی چلائے اور کہا کہ گاڑی تیز چلاؤ۔ انہوں نے نے کسی کو فون نہیں کیا بس وہ موبائل استعمال کر رہا تھا۔
ڈرائیور کے مطابق جہاں میر رضا کو چھوڑا وہاں کوئی کوئی موجود نہیں تھا۔