اداکارحمزہ علی عباسی کا کہنا ہے کہ اگر طلاق یافتہ یا بیوہ خواتین دوبارہ شادی کرنا چاہیں تو معاشرے میں اسے غلط نگاہ سے نہیں دیکھنا چاہیے۔
سوشل میڈیا پر جاری کیے گئی ویڈیو میں اداکار حمزہ علی عباسی نے کہا کہ کوئی دوسری شادی کرنا چاہے یا نہ کرنا چاہے یہ سراسر اس شخص کا فیصلہ ہونا چاہیے اس میں ہمیں نہیں بولنا چاہیے۔ ہمارے معاشرے کا ایک مخصوص طبقہ ہے جو بیوہ اور طلاق یافتہ خواتین خاص طور پر جب ان کے بچے ہوں کی دوسری شادی کرنے کو معیوب سمجھتا ہے اور بری نگاہ سے دیکھتا ہے۔ میری گزارش ہے کہ جو خواتین دوبارہ شادی کرنا چاہتی ہیں انہیں منفی نگاہ سے نہیں دیکھنا چاہیے کیونکہ یہ ان کا حق ہے جو ہمارے دین نے انہیں دیا ہے۔
اداکار نے مزید کہا یہ چیز اخلاقیات کے منافی ہے کہ کوئی اپنی زندگی کا ذاتی فیصلہ کرنا چاہے اور ہم اس میں دخل اندازی کریں۔