ایران جنگ کے دوران حساس معلومات میڈیا کو لیک کرنے کے الزام میں فوجی افسروں سمیت 50 امریکی اہلکاروں کا جھوٹ پکڑنے کا ٹیسٹ کیا گیا۔
امریکی میڈیا کے مطابق ایران جنگ کے دوران امریکی فوج کے اسلحہ ذخائر سے متعلق حساس معلومات میڈیا کو لیک ہونے کے معاملے کی تحقیقات کے لیے امریکی حکام نے 50 فوجی افسران اور سویلین اہلکاروں کے پولی گراف ٹیسٹ کیے ہیں۔
رپورٹس کے مطابق پینٹاگون کے جوائنٹ اسٹاف سے وابستہ اہلکاروں سے اگست میں پوچھ گچھ اور پولی گراف ٹیسٹ کیے گئے۔
تحقیقات کا مرکز طویل فاصلے تک مار کرنے والے میزائلوں اور پیٹریاٹ انٹرسیپٹرز سمیت اہم امریکی جنگی ذخائر میں کمی سے متعلق معلومات میڈیا کو فراہم کرنا ہے۔ حکام نے پولی گرافی ٹیسٹ سے متعلق فی الحال مزید کچھ نہیں بتایا۔