وفاقی دارالحکومت اسلام آباد کا مجوزہ نیا انتظامی نقشہ اعلی سطح کی انتظامی کمیٹٰ نے وزیراعظم کو پیش کیا۔
میڈیا رپورٹس نے ذرائع کے حوالے سے بتایا کہ مجوزہ ڈرافٹ مجوزہ ڈرافٹ میں اسلام آباد کی27 رکنی اسمبلی قائم کرنےکی سفارش کی گئی ہے۔اسلام آباد کی اپنی اسمبلی، چیف ایگزیکٹو اور27 انتظامی محکمے تجویز کیے گئے ہیں۔ اسمبلی کے 21 ارکان براہ راست عوام کے ووٹ سے منتخب کرنےکی تجویز ہے۔ قومی اسمبلی کے ہر حلقے سے اسلام آباد اسمبلی کی7 نشستیں رکھنے کی تجویز ہے۔
ذرائع کے مطابق صحت، تعلیم، ماحولیات اور شہری سہولتیں مقامی حکومتوں کی ذمہ داری ہوگی۔ خواتین کے لیے 5 اور اقلیتوں کے لیے ایک نشست مختص کرنےکی تجویز ہے۔ اسلام آباد کے چیف ایگزیکٹو کے لیے وزیراعلیٰ یا میئرکا عہدہ رکھنےکی تجویز ہے جو منتخب اسمبلی کو جوابدہ ہوگا۔ شہرکے27 محکمے اسلام آباد حکومت کے ماتحت رکھنےکی تجویز ہے، اسلام آباد کیپیٹل ٹیریٹری اسمبلی کے ہر رکن پر آرٹیکل62 اور 63 کا اطلاق ہوگا، اسمبلی کے انتخابات الیکشن کمیشن آف پاکستان کے تحت منعقد ہوں گے۔
مجوزہ ڈرافٹ کے مطابق لاء اینڈ آرڈر اور ماسٹرپلاننگ کےمعاملات وفاق متعلقہ وزارت یا گورنر کے ذریعے چلائےگا۔ اسلام آباد کیپٹل ٹیریٹری اسمبلی کو صوبائی طرز کی انتظامی ومالی خود مختاری حاصل ہوگی۔ اسلام آباد کے نئے ڈھانچےکی منظوری وفاقی کابینہ دےگی،کابینہ سے منظوری کے بعد سینیٹ اور قومی اسمبلی میں قانون سازی ہوگی۔آئینی ترمیم کے بجائے ایکٹ آف پارلیمنٹ کے تحت اسلام آباد کی اسمبلی کی تشکیل کا فیصلہ کیا گیا ہے۔