پاکستان تحریک انصاف کے سندھ اسمبلی کے ارکان نے پٹرول کی قیمتوں میں اضافے اور مہنگائی کے خلاف منفرد احتجاج کیا۔ پی ٹی آئی ارکان گدھا گاڑیوں پر سوار ہو کر سندھ اسمبلی پہنچے۔
احتجاج کے دوران ارکان نے حکومت کی جانب سے عوام سے کفایت شعاری کی اپیل پر سوالات اٹھاتے ہوئے کہا کہ اگر کفایت شعاری ضروری ہے تو اس کا آغاز حکمرانوں اور سرکاری اخراجات سے ہونا چاہیے۔
پی ٹی آئی ارکان نے پٹرولیم مصنوعات کی قیمتوں میں اضافے کو عوام پر اضافی بوجھ قرار دیتے ہوئے حکومت سے پٹرول کی قیمتوں میں اضافے پر نظرثانی کا مطالبہ کیا۔